Претседателот на опозициската ВМРО-ДПМНЕ Никола Груевски се сретна со меѓународниот секретар на Европската народна партија (EPP) Патрик Волер во Скопје.
Како што соопштија од партијата, на средбата разговарале за соработката на ВМРО-ДПМНЕ со семејството на Европската народна партија како и за актуелните случувања во државата.
Груевски, како што се вели во партиското соопштение, накратко го запозна соговорникот со актуелните случувања на политички и економски план.
-Тој посочи дека во Македонија има газење на правната држава и демократијата. Се врши класичен политички прогон и реваншизам на партиска основа. Се притвораат уметници само поради изразено мислње а притоа се теретат за непостоечки дела како што е тероризам. За жал стануваме држава каде наместо со демократија се владее со страв и кршење на основните човекови права, спротивно на основните европски и универзални вредности. Македонија е земја каде се прогонуваат актери, уметници, режисери, инженери и каде власта уапси 12 осто од пратеничката група на водечката опозициска партија или 5 осто од вкупниот пратенички состав“, се вели во соопштението.