Претседателот на ВМРО-ДПМНЕ Никола Груевски продолжува да шета по селата и приградските населби низ Македонија. Оваа турнеја започна пред околу една недела, а претставува „теренски проверки и увиди на лице место на градежни и други работи“ на претседателот на опозицијата.
Денеска Груевски го таргетираше струшкиот регион. Орво дојде во селото Дрaслaјца. На лице место рече од увидот заклучил дека е завршена спортската сала, исчистен е и каналот, но немоќен беше да одговори зошто нема канализација. Сепак, Груевски даде збор дека и тоа ќе има кога „ќе се вратат на власт“, пренесува порталот „Курир“ чијшто тим редовно го следи Груевски на терен.
„Останува понатаму да се види околу завршување на изградба на канализационата мрежа, што беше ставена во нашата изборна програма, но за жал не се реализира составувањето на Влада, така што сигурно ќе остане и во иднина кога ВМРО-ДПМНЕ ќе се врати на власт да се направи канализационата мрежа’, рече претседателот Груевски од Дрслејца.
По Дрaслaјца агендата на Груевски продолжи да се остарува во набиено темпо. Тој ги посети и Боровец и Лабуништа.
За разлика од Дрслејца, Груевски со жалење констатираше дека во Лабуништа, за жал, не стасал да направи спортска сала. Но им напомена дека иако останале многу нешта ненаправени, да останат без грижи бидејќи ќе се направеле.
Лабуништа е големо место, таму имаше потреба од изградба на спортска сала, таа изградба тргна, но по неколку месеци запре поради геодетски работи, кои што требаше да се средат.
Тој напомена дека Лабуништа има многу работи кои треба да се завршат и тие ќе останат во контакт со граѓаните, за тогаш кога ќе имаат можност да го направат она што тие го бараат да го направат, „Курир“ опишува како течел разговорот помеѓу Груевски и селаните.
По Лабуништа, теренските проверки не завршиле, па така Груески продолжува во селото Боровец. И таму констатира што недостига, а што е направено, но ветува дека се ќе се доправи.
По Боровец, Груевски реши да го искористи целиот ден работно и замина во селото Јабланица каде го дочека незадоволство оти секоја зима биле отсечени од цивилизација поради тоа што никој не го чистел патот.
Како што кажа лидерот на ВМРО-ДПМНЕ, од она што го слушнал од граѓаните е дека патот треба да почесто да се чисти, што е работа на општината, особено чистење во зима, бидејќи тие ако се натрупа со снег патот, тие не можат да излезат од таму, пренесува „Курир“ дел од атмосферата во Јабланица при посетата на Груевски.