Претседателот на ВМРО ДПМНЕ Никола Груевски веднаш по враќањето од Италија, најави набиена агенда и повеќе активности во текот на денов. Тој поради свадбата во Италија, не се сретна со германскиот пратеник Јоханес Хајндл, но затоа денеска има средби со жителите на Крушево и Кривогаштани.
Од ВМРО ДПМНЕ до медиумуте испратија допис со саатница за секоја одделна активност на Груевски за посетата на Крушево и Кривогаштани.Лидерот на партијата ќе има средби со граѓани, ќе направи увид во изградба на канализација во село Крушеани, а ќе ја посети и галеријата на Никола Мартиновски во Крушево.
Груевски иако веќе 6 месеци не е премиер, сепак тој продолжува со истото темпо како кога беше на чело на Владата.
Во продолжение ја објавуваме целата агенда на настани кои се предвидени при посетата на претседателот на ВМРО ДПМНЕ на Кривогаштани и Крушево.
во 12:00ч. ќе оствари посета на земјоделски насад на компанијата “Везешари” во с.Славеј, О.Кривогаштани;
во 12:30ч. ќе оствари посета на изграден сточен пазар во с.Кривогаштани;
во 12:45ч. ќе оствари посета на повеќенаменско игралиште во ОУ “Манчу Матак”,
во 12:55ч. ќе изврши увид во активности при изградба на спортска сала во ОУ “Манчу Матак”, с.Кривогаштани;
во 13:15ч. ќе изврши увид во активности при изградба на плоштад и ќе оствари средба со жителите на с.Кривогаштани;
во 13:45ч. ќе изврши увид во активности при изградба на канализација и ќе оствари средба со жителите на с.Крушеани;
во 14:35ч. ќе изврши увид во активности при изградба на спортска сала, изградба на улици и ќе оствари средба со жителите на с.Бучин, О.Крушево;
во 15:25ч. ќе изврши увид во активности при реконструкција на секундарна водоводна мрежа;
во 15:40ч. ќе изврши увид во активности при реконструкција на Градски парк и ќе оствари средба со жителите на Крушево;
во 16:10ч. ќе оствари посета на реновираната галерија на Никола Мартиновски и посета на фасади на обновени куќи во традиционален стил.