Во Монако стартуваше од 13 место и долго време возеше како десетти. Се соочи со низа проблеми за претекнување на ривалите, но на крајот успеа до бодови како седмопласиран, пред се, поради добрата тактика со смена на пневматиците. Генералнот, сепак, по шест трки во Формула 1 шампионатот во 2017 година веќе е во минус од 25 бода зад водечкиот во генералниот пласман, Себастијан Фетел од Ферари.
„Не отидовме во Монте Карло неподготвени. Работите едноставно не одеа како што треба, како што посакувавме. Болидот се однесуваше поинаку одошто сме навикнале што беше тотално неочекувано за механичарите. Се вративме во она непознато сценарио во кое еден болид функционира, а не и мојот“, рече Хамилтон по најслабиот пласман во сезоната.
Проблемите на Мерцедес во Кнежевството ги искористи Ферари чии пилоти доминираа во уличната трка и на крајот заслужено се радуваа на еден-два победа, прва таква по пауза од седум години.
„Се чини дека болидот на Ферари функционира на сите патеки. Ќе бидат страшно тешко во 14 трки до крај на сезоната. Изгледа дека тие го имаат најдобриот болид, слично како нашиот „07“ лани кој беше одличен на сите патеки“, додаде Британецот.
Формула 1 шамионат продолжува на 11 јуни сна автодромот „Жал Вилнев“ за ГН на Канада. Фетел е лидер во севкупниот редослед со 129 бода пред Хамилтон кој досега собра 104 и Ботас на третото место со 75. Разликата во корист на Ферари е солидна и во пласманот на конструктори – тимот од Маранело е прв со 196 бода, Мерцедес е втор со 179.