Еврокомесарот Јоханес Хан идниот петок на 14-ти октомври ќе ја посети Република Македонија со цел да дискутира за организацијата на предвремените парламентарни избори во декември и имплементација на итните реформски приоритети, потврдила портпаролката на Европската комисија, Маја Коцијанчич.
– Можеме да потврдиме дека комесарот Хан ќе отпатува во Скопје следниот петок на 14 октомври. При оваа посета, тој ќе се сретне со претставниците на четирите најголеми политички партии во земјата, со специјалниот обвинител и со претставници на граѓанското општество. Обемот на мисијата ќе биде дискусии за состојбите во земјата, особено на организацијата на изборите во декември, како и спроведувањето на Итните реформски приоритети, вели Коцијанчич.
Посетата на Хан доаѓа по постигнатиот договор помеѓу четирите политички партии, заокружен на 31 август годинава со цел, како гарантор на договорот да алармира истиот да се испочитува за да се стави крај на македонска политичка криза.