Белград: Пред Народното собрание на Србија избувна нов хаос откако група опозициски пратеници се обидоа да влезат во парламентот преку импровизираниот камп „Чациленд“, поставен во Пионирски парк.
Имаше туркање, конфликти и остри зборови меѓу пратениците и полицијата која се обиде да го блокира нивното движење. Полицајците ги задржувала пратениците со барање за идентификација додека од спротивната страна се слушале обвинувања дека штитат „партиски камп, а не државна институција“.
Чациленд, камп што првично се појави како форма на политичка поддршка кон власта, одамна е предмет на критики поради неговиот контроверзен статус, локацијата во самиот центар на Белград и редовните тензии што ги создава околу Собранието. Последните сцени ја покажаа токму таа тензичност – кога пратениците се обидоа да поминат низ кампот, делови од обезбедувањето реагираа физички што преизвика немири.
Опозицијата тврди дека полицијата ги спречила законски избрани пратеници да влезат во институцијата и дека се работи за злоупотреба на државен апарат за заштита на партиски картонски камп. Полицијата, пак, наведува дека интервенирала за да спречи нарушување на редот и безбедноста.