Хелсиншкиот комитет денеска достави иницијатива до Министерството за правда за донесување Закон за постапката и условите за избор на уставните судии.
Овој период, непосредно пред изборот на петмина нови уставни судии, е најсоодветна прилика да се разгледа прашањето за нормирање и регулирање на постапката и условите за избор на уставните судии со нов закон.
Доколку во овој момент не започне постапката за негово правно уредување, ова прашање ќе остане недопрено и во следните седум години.
– Овој период непосредно пред изборот на петмина уставни судии е најсоодветна прилика да се разгледа прашањето за нормирање и регулирање на постапката и условите за избор на уставните судии со нов закон. Доколку во овој момент не започне постапката за негово правно уредување, ова прашање ќе остане недопрено и во следните седум години, а нереформираното уставно судство ќе значи сериозен удар врз принципот на владеење на правото и поткопување на темелите на правната држава, се вели во иницијативата до Министерството за правда.
Од Хелсиншки додаваат дека во пресрет на изборот на петмина нови уставни судии и потребата конечно да се пристапи кон регулирање на постапката за избор на уставните судии преку посебен закон.
– На оваа тема Хелсиншкиот комитет за човекови права уште во 2016 година јаизготви анализата „Уставниот суд во стегата меѓу политичките интереси и човековите права“, при што, детектираните слабости во анализата се присутни и денес, а предлозите на анализата, можат да послужат за подобрување на состојбите во уставното судство, додаваат во иницијативата.