Голем број граѓани на ЕУ се подготвени да поддржат кандидатура на Ангела Меркел за следен претседател на Европскиот совет. Ова го покажува студија на Европскиот совет за надворешни односи, пишува Политико.
Во понудениот избор помеѓу Меркел и францускиот претседател Емануел Макрон мнозинството Европејци би го избрале германскиот претставник.
Истражувањето е спроведено во земјите на ЕУ, а Холандија, Шпанија и Португалија се меѓу најголемите поддржувачи на Меркел. Бугарите пак се најголемите критичари на германската канцеларка.
Нејзиното заминување наиде на загриженост кај дел од европската политичка елита, а само мал процент од нив веруваат дека Германија може да ја води европската дипломатија по оставката на Меркел.
Граѓаните на Франција, Италија, Полска и Бугарија се најкритични за дипломатските позиции на Германија.