Командант на морнарицата во последното украинско упориште во опколениот град Мариупол, во раните утрински часови преку видео порача дека на неговите луѓе можеби им остануваат само неколку часа.
Во видеото испратено до Би-Би-Си и другите медиуми, мајорот Серхи Волина рече дека неговите војници нема да се предадат, но тој замоли за меѓународна помош за 500-те ранети војници и стотици жени и деца за кои рече дека се кријат со нив во фабрика за челик во град.
„Ова е нашето последно обраќање до светот. Можеби ќе ни биде последно. Можно е да ни преостануваат само денови или часови“, рече мајорот Волина.
„Ги повикуваме светските лидери да ни помогнат“, додаде тој. „Ги повикуваме да организираат евакуација за да не однесат во трета земја.
Фабричкиот гигант Азовстал со површина од четири квадратни милји – стана последната точка наукраинскиот отпор во Мариупол.
„Единиците на непријателот ги надминуваат нашите десетици пати, тие доминираат во воздухот, во артилерија, во копнени трупи и во машини и тенкови“, рече мајорот Волина, кој е командант во полкот Азов, дел од украинската национална гарда.
Тој одби да каже колку украински војници останале во фабриката, но рече дека имаат „добар борбен дух“. Ситуацијата за ранетите сепак е, како што рече, „многу лоша“. „Тие се во подрум, таму само гнијат“, рече тој.
Мариупол е стратешка цел за Русија. Украинскиот претседател Володимир Зеленски минатата недела изјави дека околу 20.000 луѓе се убиени во Мариупол од почетокот на руското бомбардирање на градот, а непознат број се однесени на руска територија.
Русија им даде нов ултиматум на украинските сили во Мариупол да го положат оружјето до 11:00 часот денеска. Тие во моментов се заробени во огромен челичарски комплекс на фабриката.
Пристанишниот град Мариупол е опкружен, но сè уште не е паднат, а министерот за надворешни работи на Украина рече дека Русија одлучила да го срамни со земја. Околу 130.000 граѓани се блокирани во опколениот град веќе 50 дена и се борат да најдат храна, вода и лекови.