Денеска се одбележува Светскиот ден на бубрегот. Оваа година темите беа насочени кон ХББ кај женската популација, а особено актуелна е темата за „синдромот на согорување“ (burnaut sindrom) кај оние кои се грижат за пациентите, неретко и цел работен век посветени на пациентите – сестрите во дијализните центри.
Хронично бубрежната болест е светски проблем. Зафаќа околу 195 милиони жени и е 8-ма водечка причина за смрт кај жените, со приближно 600.000 смртни случаи годишно. Ризикот за развој е подеднаков висок кај мажите и кај жените. Според некои студии, ХББ е поверојатно да се разви кај жените отколку кај мажите.
Во Македонија речиси 14 отсто од населението има хронично бубрежно оштетување, а само во Скопје секоја година има нови 300 бубрежно болни луѓе.
-Потребни се редовни контроли, барем еднаш во годината да се направи ехо на бубрези . Посебно треба да внимаваат луѓе кои се дијабетичари и луѓе кои страдаат од висок притисок. Ако веќе постои втор или тре стадиум на болеста од особена важност е воведување на режим на исхрана. Треба да се направат рестрикции на храна која содржи калиум , вели д-р Јулијана Успрцов , специјалист интернист од центарот за дијализа ДиаМед – Македонија.
Се препорачува редовно вежбање, неупотребување аналгетици без рецепт, контролирање на тежината, препознавање на медицинската историја на семејството, мерење на крвниот притисок и холестерол, едуцирање за бубрежните болести.