Хрватската радио-телевизија (ХРТ) објави дека случаите на трговија со органи се поврзани со донори на бубрези од Србија и Косово, двајцата се лица со понизок социјален статус, а приматели се пациенти од Хрватска.
Хрватското Министерство за здравство привремено ја забрани програмата за трансплантација на бубрези меѓу живи и несродни лица во Клиничко-болничкиот центар во Загреб, поради сомневања за случаи на трговија со органи во 2019 година.
Хрватската радио-телевизија (ХРТ) објави дека случаите на трговија со органи се поврзани со донори на бубрези од Србија и Косово, двајцата се лица со понизок социјален статус, а приматели се пациенти од Хрватска.
Предметот за кој е покрената истрага прво е предаден на хрватската Лекарска комора поради прекршување на Кодексот за лекарска етика, а потоа и на Државното правобранителство, соопштија од Министерството. Одговарајќи на обвинувањата, Клиничкиот центар во Загреб соопшти дека „сите трансплантации во институцијата се извршени со одобрение на Етичкиот комитет на установата“.
– Сите преземени активности и процедури се идентични со оние коишто се спроведуваат во сите други центри за трансплантација во Република Хрватска, кадешто се извршени трансплантации на бубрези од жив несроден дарител, се вели во соопштението што го пренесе телевизијата „Н1“.