Авторот на емисијата „Во недела во два“ на Хрватската радио телевизија, Александар Станковиќ, ја заврши денешната емисија со апел да се сузбие омразата во медиумите.
Станковиќ порачува дека не е нормално пцуење и закани со смрт на социјалните мрежи и во јавниот простор и за тоа никој да не одговара.
„Државата може и мора да ги санкционира медиумите кои дозволуваат и поттикнуваат изживување врз другите. Порталите кои во коментарите пренесуваат закани мора да бидат казнети“, рече Станковиќ.
„Еве еден предлог. Кога се заканува, кога се хушка и се навредуваат луѓе, забранете ги сите коментари под текстовите на еден месец. Ако тоа се повтори, казнете ги со 100.000 куни и тоа нема да се повторува“, смета Станковиќ.
Освен тоа, Станковиќ апелираше до Парламентот, хрватската Влада, политичките парии и Хрватското-новинарско здружение со законски предлог за електронски медиуми да стават крај на нетрпеливоста во медиумите.
На крајот на емисијата тој подигна транспарент на кој пишуваше „Спречете ја омразата во медиумите“.