И вториот тест на коронавирус на премиерот Спасовски е негативен

И вториот тест на коронавирус на претседателот на Владата на Република Северна Македонија, Оливер Спасовски е негативен, се вели во соопштението на владината прес-служба. Премиерот Спасовски по тој повод се огласи на Фејсбук и истакна дека е „многу е важно сите до еден целосно да ги почитуваме мерките и препораките“.

На својата Фејсбук страна тој порача дека е исклучително важно сите до еден целосно да ги почитуваат мерките и препораките, и дека тоа е единствениот начин за придонес за јавното здравје за да се создадат услови за што поскоро враќање на животот во новата нормала.