Тројца Норвежани, двајца Данци и по еден Шпанец и Германец. Ова се националностите во идеалниот тим на Светското ракометно првенство во кој немаше место за Французин. Награда, пак, за најкорисен играч на турнирот ја доби левиот бек, Микел Хансен кој вгради 72 гола во премиерната титула на Данска на натпреварувањето што заеднички го организира со Германија.
Неговото место во идеалната седморка на шампионатот му припадна на Норвежанецот Сандер Сагосен чии сонародници Магнус Јондал и Бјарте Мирхол ги зазедоа местата лево крило, односно, кружен напаѓач.
Данска има два претставника во најдобрата екипа на мундијалот – голманот Никлас Ландин и средниот бек Расмус Лауге, на десната бековска позиција е Германецот Фабијан Виде, а најдобро десно крило е Шпанецот Феран Соле.