Енди Мареј го чека долг и трнлив пат до тенискиот врв. Британецот сè уште не е доволно рехабилитиран по операцијата на колкот и покрај силната желба за што поскоро враќање на АТП турот.
Поранешниот прв светски рекет изминатата недела се појави на турнирот во Вашингтон. Одигра три меча во три сета, но четвртиот го дочека со солзи во очите и не беше во можност да одработи, па полуфиналист без борба стана Австралиецот Алекс де Минаур.
Мареј претходно го елиминира Американецот Мекензи Мекдоналд со 3:6, 6:4, 7:5, во второто коло со идентичен резултат го совлада и сонародникот Кајл Едмунд со 7:6, 1:6, 6:4, а во третото и Романецот Мариуш Копил со 6:7, 6:3, 7:6. Меѓутоа против Де Минаур едноставно не можеше.
Покрај повлекување од Вашингтон, Британецот го откажа учеството и на претстојниот „Роџерс куп“ во Торонто за што доби специјална покана од организаторите. Неговото место во натпреварувачкиот костур ќе го заземе Швајцарецот Стен Вавринка.