Ако се остварат предупредувањата на експертска комисија за олимписки буџет, тогаш настанот во Јапонија ќе биде поскап од Рио де Жанеиро за четири пати Организацијата на Игрите во Токио во 2020 година би можела да чини фантастични 29 милијарди долари, сума што е четирипати повисока од првично проектираната.
Со вакво предупредување излезе експертската комисија за анализа на олимискиот буџет.
„Местото е бирано пред години и одобрено од меѓународните федерации и Меѓународниот олимписки комитет (МОК). Сега ќе биде тешко да се менува“, изјави Јоширо Мори, претставник на организацискиот комитет за „Токио 2020“.
Поради растечкиот тренд на издатоци за олимписките игри, комисијата предложи низа на мерки за спасување на Токио од преголеми трошоци за организацијата на Игрите. Тие вклучуваат и користење на веќе постоечките објекти наместо изградба на нови и поместување на натпреварите во веслање на 400 километри од градот. За нив, како и за сите останати, ќе биде потребна дозвола од МОК и од спортските федерации.
Кога Токио ја доби кандидатурата за домаќин на ОИ 2020 беше истакнат бенефит од три милијарди јени и 150.000 нови работни места. Новоизбраната гувернерка Јурико Коке, сепак, ќе настојува да ги стави под контрола трошоците, па оттука и предвидувањата што може да прераснат во најпесимистичките досега. Токио ги победи конкурентите за Игрите по четири години меѓудругото и поради ветувањата дека сите натпревари ќе бидат во пречник од осум километри од олимпиското село. Јапонците претходно поместија локации за неколку спортови и тоа за едрење, кошарка и велосипедизам.