Под мотото “Освета за Тео” околу 1.000 луѓе излегоа повторно на протест во Париз против полициската бруталност, расизмот во француската полиција но тие исто така бараа социјална правда за младите Французи со муслиманско потекло кои се често дискриминирани.
На протестите денес беа уапсени над 20 лица а 16 гимназии беа блокирани од демонстрантите.
Протестот почна на Плоштадот на Нацијата утринава на повик на анти-фашистичките движења.
Во изминатите денови овие движења протестираа поради насилството врз 21 годишниот Тео кој беше жртва на полициски насилство и силување на полициска палка.
Некои групи млади демонстранти беа маскирани и уништија неколку автомобили и автомати за пари. Тие се обидоа да ги урнат полициските огради а полицијата одговори со солзавец. Еден професор беше ранет од удар со апарат за гаснење пожар.
Министерот за внатрешни работи повика на смирување.
«Јасно е дека емоциите на младите се разбирливи поради аферата Тео но треба да и се остави место на правдата да го каже својот збор», изјави министерката за образование. Таа рече дека верува во правдата која би требало со голема решителност да реагира на полициската бруталност.
Koj ќе нé заштити од полицијата?
Случајот на Тео
Случајот на Тео ја вознемири Франција на почетокот на февруари и ги извади луѓето, особено младите, на протести.
Младиот човек беше уапсен на 2 февруари. Тео на истрагата и раскажа дека тој ден додека се движел низ квартот видел пријател што го контролирала полицијата. Тео се доближил да види што се случува и добил наредба од полицијата да застане до еден ѕид за да може полицијата да провери дали е вооружен. Полицаецот се заканува со казна од 450 евра. На ова пријателот на Тео прашал зошто а одоговорот на полицаецот дошол во вид на шамар. Тео одлучил да го брани пријателот кој добил шамар по што полициските агенти почнале да со расистиички навреди и тепале а еден од нив ставил во анусот на Тео полициска палка. Тео завршил во болница каде што биле констатирани повреди и силување.
Обвинителството отвори истрага за насилство и силување против полицајците. Некои полицајци беа суспендирани а тројца добија забрана за вршење на оваа професија. Но демонстрантите бараат полицајците да бидат изведени пред кривичен суд.
Медиумите исцрпно известуваа за случајот на Тео. Дури и претседателот Оланд дојде во болница да го посети Тео.
Ова не е прв пат да дојде до полициска бруталност во Франција. Протести има и во други француски градови каде што исто така има инциденти и судири со полицијата.