Индустриското производство лани во декември е намалено за 4,9 отсто во споредба со истиот месец од 2020 година.
Според податоците на Државниот завод за статистика, во привите 12 месеци од 2021 година е повисоко за 1,4 отсто во споредба со истиот период од претходната година.
Индустриското производство во секторот Рударство и вадење на камен во декември 2021 година, во однос на декември 2020 година, бележи пораст од 2,5 тсто, во секторот Преработувачка индустрија има опаѓање од 9,1 отсто, а во секторот Снабдување со електрична енергија, гас, пареа и климатизација пораст од 20,5 отсто.
Според податоците на Државниот завод за статистика, намалувањето во секторот Преработувачка индустрија е резултат, пред сѐ, на намаленото производство во одделите Производство на пијалаци, Производство на текстил, Производство на облека, Производство на основни фармацевтски производи и фармацевтски препарати, Производство на метали, Производство на фабрикувани метални производи, освен машини и опрема, Производство на машини и уреди, неспоменати на друго место и Производство на моторни возила, приколки и полуприколки.
Според главните индустриски групи, производството во декември 2021 година, во однос на декември 2020 година, бележи пораст кај Енергија за 18 отсто и Трајни производи за широка потрошувачка за 23,4 отсто, додека опаѓање има кај Интермедијарни производи, освен енергија за 5,8 отсто, Капитални производи за 20,5 и Нетрајни производи за широка потрошувачка за 4,3 отсто.
Во меѓувреме, намален е и бројот на работниците во индустријата. Лани во декември е намален за 3,2 отсто во споредба со истиот месец 2020 година, а на годишно ниво во 2021 година има намалување од 2,4 отсто во однос на 2020 година.
Според главните индустриски групи, бројот на работниците во индустријата бележи опаѓање кај Енергија за 2,8 отсто, Капитални производи за 0,5 и Нетрајни производи за широка потрошувачка за 7,2 отсто, додека пораст кај Интермедијарни производи, освен енергија за 0,4 отсто и Tрајни производи за широка потрошувачка за 4,1 отсто.