Инцидент во тенискиот комплекс „Олд Ингланд клуб“ во Лондон се случи попладнево. Кај влезот број 1 што се наоѓа во непосредна близина и на теренот број 1 избувна пожар што е локализиран, но над местото е сè уште видлив димен облак. Во гаснењето учествуваа 21 пожарникар, нема информации за повредени, а британските медиуми јавуваат дека е во тек истрага за причините.
„Можеме да потврдиме дека изби мал пожар пред влезот број 1, но огнот е изгаснат“, напишаа организаторите на Вимблдон на Твитер налогот на престижниот турнир.
Годинашното издание на Вимблдон почнува на 3 јули и ќе трае до 16 јули. Во улога на бранител на титулата во машка конкуренција ќе биде Енди Мареј, ланската победничка кај дамите е Серена Вилијамс, но Американката сигурно нема да настапи на неофицијалното светско тениско првенство во 2017 година поради бременост.