Првите резултати од референдумот во Курдистан покажуваат дека повеќе од 90 проценти од гласачите ја поддржуваат независноста на регионот Ирачки Курдистан.
Одѕивот на референдумот за независност на Ирачки Курдистан била над 72%, изјави портпаролот на изборната комисија на Курдската регионална влада. Официјалните резултати се очекува да бидат јасни за околу 72 часа. На референдумот гласаа 3.305.500 лица, што претставува повеќе од 72% од населението.
На улиците на Ербил и поголемите градови во Северен Ирак луѓето ги прославија резултатите од анкетата. Курдите останаа до доцна во ноќта по улиците на Ербил, главниот град на Ирачки Курдистан, каде се слушаа автомобилски сирени, се вееја курдски знамиња и грмеа огномети.
Во исто време, ОН предупреди дека референдумот за независноста на ирачкиот Курдистан би можел да има дестабилизирачки ефект.
-Генералниот секретар е загрижен за евентуалното дестабилизирање кое е последица на референдумот на ирачкиот Курдистан, се вели во соопштението на генералниот секретар на ОН, Антонио Гутереш, по завршувањето на гласањето.
-Генералниот секретар го почитува суверенитетот, територијалниот интегритет и единството на Ирак и смета дека сите проблеми меѓу федералната влада и регионалната влада на Курдистан треба да бидат решени преку структуриран дијалог и конструктивни компромиси, додаде портпаролот на ОН Стефан Дјужарик.