Во својот предизборен мониторинг на предвремените парламентарни избори во Македонија, Меѓународниот републикански институт (ИРИ) пишува дека анкетите покажуваат дека ВМРО-ДПМНЕ ќе победи во македонскиот блок, а ДУИ во албанскиот, но со намалено мнозинство. Според ИРИ анкетите исто така укажуваат на значителен процент на неопределени гласачи кои можат го зголемат рејтингот на опозициските партии.
Според ИРИ, на овие избори се очекува излезност над 60 отсто.
„На 11 декември, гласачите во Република Македонија ќе излезат на гласачките места да го дадат својот глас за парламентарните избори во очи актуелната политичка криза во државата. Изборите се одржуваат како резултат на политички договор постигнат со посредништво на Европската унија, САД а се сметаат за показател дека политичката ситуација во државата се стабилизира. Мисијата на Канцеларијата на ОБСЕ во за демократски институции и човекови права, за меѓународен мониторинг пријави “број на обвинувања за притисоци врз вработените во јавниот сектор да гласаат за конкретни политички партии”, иако атмосферата во предизборниот период е мирна. Додека анкетите покажуваат кон победа за владејачката ВМРО-ДПМНЕ и ДУИ, широкиот песимизам откриен од неодамнешните анкети и значителниот процент на неопределени гласачи може да го намали водството на коалицијата и потенцијално да ги наруши нивните односи. Идната влада ќе мора да преземе мерки да ја врати довербата во политичкиот систем, со оглед дека вербата во интегритетот во македонската демократија во очите на електоратот е нарушена поради политичката криза во изминатите две години. Се очекува дека изборите ќе овозможат стабилизација на политичката клима во Македонија“, пишува во предизборниот мониторинг.
Овие избори, според Институтот се важни затоа што се првите избори по почетокот на политичката криза во земјата, од 2014 година и откривањето на прислушуваните материјали во 2015 година. Начинот на кој ќе се спроведат изборите ќе се смета како доказ за способноста на владата да ги примени итните реформски приоритети поставени од страна на ЕУ, и ќе претставуваат клучен чекор кон враќање на државата на патот за евроиентеграција.