Тимовите за пребарување во Јапонија соопштија дека седум лица се пронајдени откако туристички брод со 26 лица исчезнал кај северниот остров Хокаидо. Властите изгубија контакт со пловилото синоќа откако испрати сигнал за помош велејќи дека навлегува во вода во 13:15 часот по локално време.
Крајбрежната стража не можеше да потврди дали пронајдените се сè уште живи. Се верува дека бродот бил на тричасовно патување околу полуостровот Ширетоко. Областа е прогласена за светско наследство на УНЕСКО, а патувањата со брод се популарни кај туристите кои се надеваат дека ќе забележат китови и морски лавови, како и кафеави мечки на карпестите плажи.
Спасувачките напори – кои вклучуваат хеликоптери, патролни чамци и нуркачи – се во тек. Од 26-те во пловилото, двајца биле членови на екипажот, а две се деца.
Со бродот последен пат имало контакт околу 15:00 часот по локално време во саботата, кога екипажот рекол дека се превртува под агол од 30 степени и почнал да тоне, јавуваат јапонските медиуми.