Исклучените синдикати од страна на првиот човек на ССМ, Живко Митревски, УПОЗ, СИЕР, СУТКОЗ и АГРО Синдикатот денеска искажаа безрезервна поддршка на новинарите од дневните весници „Утрински весник“, „Дневник“ и „Вест“ и вработените во Jавното претпријатие Mакедонски железници кои изминативе денови штрајкуваат.
– Наспроти се поголемото работничко незадоволство, Сојузот на синдикатите и Кофедерацијата на самостојните синдикати на Македонија во целиот изминат период а и досега се само неми посматрачи на сите штрајкови и не се осмелија макар и декларативна да искажат поддршка на штрајкувачите. Но затоа тие во изминатиот период како најголеми синдиклани организации во Македонија беа само верни слуги на власта, афимрмирајќи ги нивните закони и наводниот социјален дијалог во Македонија, кој според нив е на највисоко ниво. Како резултат на нивните пасивност и поданички однос кон власта и работодавачите, од ден на ден работничкото незадоволство во Македонија е се поголемо, велат синдикатите.
Оттаму додаваат дека неисплатените плати се резултат на лошото менаџирање на компаниите кои се заинтересирани само за нивниот профит, а платите и другите права од работен однос за нив се во втор план.
– Игнорантскиот однос на менаџментот во изданијата на Медија принт Македонија и Јавното претпријатие Македонски железници кои одбиваат да разговараат со штрајкувачите, уште повеќе го поттикнува револтот кај штрајкувачите кои неможат да го остварат заработеното. Четирите синдикати УПОЗ, СИЕР, СУТКОЗ и АГРО Синдикатот како предводници и предвесници на новото синдикално движење во Македонија…се борат за поголеми права на своите членови, подготвени се солидарно да се вклучат во остварувањето на нивните барања за исплата на платите, се наведува во соопштението на синдикатите на УПОЗ, СИЕР, СУТКОЗ и АГРО Синдикат.