„Ќе го спречиме непријателот да успее во одржување на каков било фестивал, чија цел е да му наштети на палестинскиот наратив“, се наведува во соопштението на „Исламски џихад“, објавено во момент кога израелските воздухопловни сили започнаа напади врз десетици цели во Појасот Газа, како одговор на тоа што 400 ракети беа истрелани кон територијата на Израел.
Во соопштението се наведува дека „отпорот мора да реагира на агресијата на непријателот и да го изненади“. Претходно израелската армија го обвини „Исламски џиха“ за поттикнување на моменталното насилство во Газа и во Израел. Портпаролката на јавниот радиодифузен сервис „Кан“, локален медиумски партнер во организацијата на Евровизија, се обиде да ги смири загрижените дека избувнувањето на насилствата во Газа ќе влијае на музичкиот фестивалот.
„Подготовките за дочек на евровизиските делегации продолжуваат според планираното. Тое почнаа да пристигнуваат и сите се зафатени со натпреварувањето“, изјави Шарон Бен Давид за дневниот весник „Арец“.
Таа рече дека организаторите биле во постојан контакт со регионалната командата на израелските одбранбени сили, која не дала никакви специјални наредби поради ескалацијата на насилствата во јужниот дел на земјата – далеку од Тел Авив каде се одржува натпреварот.