Доналд Трамп требаше да знае кога почна да се трка за американски претседател дека ќе му се извлечат некои стари твитови од архивата и повторно ќе станат актуелни. Додека тој беше само бизнисмен, сакаше со дел од светот да го дели своето мислење и за најглупи работи.
Така, тој во 2011 година не можеше да ја пропушти веста за топлес фотографиите на Кејт Мидлтон, а секако и не одолеа да го подели својот коментар со светот.
„Кејт Мидлтон е супер, но не би требала да се сонча гола, сама е виновна за тоа што и се случи“, напиша тогаш Трамп.
Имено, во тоа време многумина ги осудуваа папараците кои од грмушки ја „фоткаа“ разголената Кејт на француска плажа, но Трамп беше на нивна страна.
„Па кој не би сакал да ја слика Кејт за многу пари, ако таа така се сонча. Ајде, Кејт“, напиша тој.
Посебно интересно е тоа што Трамп сега е поканет да дојде во Велика Британија за да се запознае со кралското семејство. Ќе биде интересно да се види како ќе помине средбата со Кејт.