Бугарското специјално обвинителство започна опсежна истрага против 29 Бугари главно од градот Камено, откако грчката полиција открила нов ланец за продажба на бебиња во Грција.
Од почетокот на годината за криумчарење на бебиња уапсени се две лица. Во Обвинителството велат дека трговијата со бебиња се докажува многу тешко, а до процесуирање доаѓа само ако жртвата на крајот не ги добијат ветените пари.
-Причина за тоа е што ова кривично дело се врши во многу тесен круг на луѓе кои не сакаат продажбата да се шири надвор од семејството, изјави за софиската телевизија БТВ заменик окружниот обвинител во Бургас Димитар Георгиев.
Според информациите од невладиниот сектор, бебињата се продаваат за 5.000 евта, од кои 3.000 евра ги земаат криумчарите.
Секретарот на Коисијата за борба против криумчарење луѓе во градот Камено, Росица Јанева за новинарите изјавила дека мајките чии бебиња се продаваат главно се Ромки кои на тој начин преживуваат и ги прехрануваат семејствата.
Таа тврди дека трудниците се носат во Грчка каде се пораѓаат, децата ги признаваат грчки татковци, а во сето тоа вообичаено се вклучени адвокати и лекари.