Претседателот Ѓорѓе Иванов го разреши поранешниот државен јавен обвинител, Марко Зврлевски, од Комисијата за помилување. На негово место е назначен Воислав Гавровски, кој е обвинител во Јавното обвинителство.
Освен смената на Зврлевски нема други промени во оваа Комисија која одлучува за помилување или намалување на казните на осуденици.
Претседател на Комисијата е Василка Јурукоска, а членови се Благородна Дулиќ, Бекир Исени, Методија Каневчев, Љупка Арсениевска, Стојанче Рибарев, Нуман Аруч, Данче Ристова и новоизбраниот Воислав Гавровски.
Парламентот на 17. август минатата година го разреши Марко Зврлевски од функцијата државен јавен обвинител. Зврлевски веднаш по разрешувањето поднесе барање за да си го искористи правото на една година апанажа по напуштањето на функцијата. Тој повеќе немаше право да се врати во Јавното обвинителство и во моментов е на апанажа, потврдија за НОВА ТВ од Собранието.
