Претседателот Ѓорге Иванов денеска повтори дека нема да го даде мандатот за формирање Влада се додека правните и политички пречки не бидат отстранети, бидејќи, според него, таквата одлука би била оспорена, а со тоа ќе биде отворено прашањето за негова одговорност.
-Јас сум под заклетва и ќе го почитувам она што е уставен поредок на Република Македонија, изјави Иванов по денешната средба со претседавачот на Претседателството на БиХ Младен Иваниќ.
На прашањето дали чувствува одговорност во врска со последиците од кризата, Иванов рече дека на чувствува, бидејќи го почитува Уставот и праксата од 1992 година. Според него, платформата, од политичка довела до институционална криза.
– Едно е политичката криза која што ја решивме со изборите на 11 декември, а со платформата добивме институционална криза. Јас тука не чувствувам одговорност бидејќи го почитувам Уставот и тоа што се бара од мене, а ги имам предвид и одлуките на Уставниот суд и затоа не смеам да донесам одлука која што ќе биде оспорена од кого било, изјави Иванов.