Претседателот Ѓорѓе Иванов денеска започна со консултациите за тоа кому да го додели мандатот, откако Никола Груевски не успеа да обезбеди мнозинство.
Од Кабинетот на Иванов информираа дека тој имал средба со претседателот на Уставниот суд, Никола Ивановски, а на средбата истакнал дека досега постапувал исклучиво во рамки на своите права, должности и надлежности, почитувајќи го Уставот на Република Македонија.
– На средбата, претседателот истакна дека досега постапувал исклучиво во рамки на своите права, должности и надлежности, почитувајќи го Уставот на Република Македонија. Претседателот Иванов подвлече дека и во однос на актуелната ситуација ќе постапува во согласност со уставните одредби и ќе постапува исклучиво во интерес на државата и на граѓаните на Република Македонија, стои во соопштението од кабинетот на Иванов за средбата.
Средбата со претседателот на Уставниот суд следува по вчерашната најава на Иванов дека ќе почне консултации со надлежни институции и со политичките партии во врска со формирањето на новата влада.