Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

(ИЗБОР) Албански медиуми: Клинтон порача да се запре „глупоста“ на северот на Косово; Рама на турнеја со „Отворен Балкан“ и Берлински процес низ Балканот; Вучиќ во недоумица за изјавата на Рама

0
By Ана Василевска on July 4, 2023 ВЕСТИ, РЕГИОН
Клинтон-Рама
Клинтон-Рама
СПОДЕЛИ
Facebook Twitter LinkedIn Email
Published: Tuesday, July 4, 2023 15:40

Во Албанија од вчера престојува поранешниот Американски претседател Бил Клинтон, а најзабележана беше неговата изјава во однос на тензиите на северот на Косово, кога ги нарече „глупост“, и порача да се прекине истата. Албанските медиуми продолжуваат да ја коментираат изјавата на Рама дека иницијативата „Отворен Балкан“ ја завршила својата мисија, и дека ќе се претопи во Берлинскиот процес, како и коментарот на српскиот претседател, Вучиќ, дека не е сигурен дека Рама го кажал токму тоа. Рама најави турнеја низ Балканските земји, на која планира средби и разговори за иницијативата „Отворен Балкан“ и Берлинскиот процес, според медиумите во Албанија.

Ова се дел од редакцискиот избор на ЦИВИЛ Медиа од албанските медиуми во регионот, за денешното издание на АЛ-Прес.

АЛБАНИЈА

РСЕ: Клинтон ги нарече „глупост“ тензиите на северот на Косово

„Поранешниот претседател на САД, Бил Клинтон, побара да се даде решение за ситуацијата на северот на Косово, која ја опиша како „глупост“.

Во својот говор пред високи функционери на Албанија и граѓани собрани во негова чест на булеварот „Херои  на нацијата“ во Тирана, тој истакна дека изборите на северот треба да се одржат што е можно поскоро.

„Сега на Косово се случува спор што би сакал никогаш да не се случи. Веќе не е во мои раце. Но, Косовците ги создадоа овие четири општини за доброто на Србите, за да им дадат четворица градоначалници, но и место во Собранието. Затоа мислам дека згрешиле што не гласале. Мислам дека е лесно за Албанците сега во мнозинство да се обидат да го искористат моментот за да го изнесат својот аргумент. Но, она што треба да го направиме, е да ја запреме оваа глупост“, рече Клинтон.“, пренесе Радио Слободна Европа на албански јазик.

Еуроњуз: Берлинскиот процес и иднината на „Отворен Балкан“, турнеја Рама на Балканот на 6 и 7 јули

„Албанскиот премиер  Еди Рама од 6 до 7 јули, како што најави, ќе одржи  балканска турнеја во рамки на Берлинскиот процес и иницијативата „Отворен Балкан“, за која претходно изјави  рече дека веќе ја завршила својата мисија.

Се очекува Рама придружуван од дел од владиниот кабинет да ги посети Приштина, Белград, Скопје, Сараево и Подгорица, пренесе Еуроњуз.

Газета експрес: Што рече Вучиќ на прашањето за изјавата на Еди Рама дека „Отворениот Балкан“ ја исполни својата мисија

„Претседателот на Србија, Александар Вучиќ, изјави дека Отворениот Балкан е „автохтона идеја на народите на Балканот“ и дека не верува оти албанскиот премиер Еди Рама можел да каже дека оваа иницијатива ја завршила својата мисија и дека е време да се вклучиме во Берлинскиот процес.

Според медиумите Вучиќ ова го изјавил кога бил запрашан да ја коментира изјавата на Рама за Отворен Балкан, во која тој вели дека оваа иницијатива ја завршила својата мисија и дека е дојдено време да се „претопи“ во процесот на Берлин.

Не сум сигурен дека е точно тоа што го кажа, но се надевам дека наскоро ќе можам да го видам. Отворениот Балкан е автохтона идеја на народите на Балканот, Србите, Албанците, Македонците, но ја поддржуваат и значителен дел од Бошњаците и луѓето во Црна Гора кои не се Срби“, рече Вучиќ, кој додава дека добро го познава Рама и дека е речиси невозможно да кажал такво нешто.“, пренесува Газета Експрес.

КОСОВО

Газета Блиц – Руте: ЕУ да не покажува со прст кон виновникот за односите Косово-Србија

Премиерот на Холандија Марк Руте изјави дека Европската унија не треба да покажува со прст за да го најде виновникот меѓу Косово и Србија за тензичната ситуација на северот, додавајќи дека блокот треба да помогне, наместо да го најде виновникот. Холандскиот премиер рече дека решението е анекс на спроведувањето на основниот договор меѓу Косово и Србија постигнат во февруари и март.

Тој рече дека двете страни се жалат дека другата страна не го спроведува договорот, но додаде дека се треба да се спроведе и дека треба да се работи со пристап „чекор по чекор“. Не знам дали треба да го впериме прстот во виновникот, на Косово или Србија, бидејќи тоа не и помага на ситуацијата. Сакаме да бидеме од помош“, вели Руте, пренесе Газета Блиц.

Зери – Курти: Сакаме добрососедски односи со Србија, договорот да се спроведува без услови и без одлагања

Премиерот Албин Курти изјавата ја даде по средбата со премиерот на Холандија Марк Руте и премиерот на Луксембург Ксавиер Бетел.

Тој рече дека побарал од двајцата европски премиери да му помогнат на Косово да влезе во НАТО и во ЕУ.

„Побарав и да ни помогнат во однос на програмата на НАТО, Партнерството за мир и да продолжиме понатаму кон добивањето на прашалникот од Европската комисија за членство во ЕУ, каде што веќе ја направивме нашата официјална апликација“, изјави тој.

„Во однос на дијалогот за нормализација на односите со Србија, истакнав дека Косово е заинтересирано за добрососедски односи. Сакаме европско решение и за ова го имаме основниот договор од 27 февруари и анексот за имплементација од 17 март, за што сакаме да се спроведе во целост, без одложувања и без услови“, изјави Курти, пренесе Зери.

КОЛУМНА

ЕО: Држава на „амбасади“!

„Зошто „амбасадите“ инсистираа на координација со државата Косово? Тие разбраа на кое ниво политичари се занимаваат со политика, меѓу нив и прилично неписмени, кои не знаеја да ги читаат нивните говори во собранискиот говор! ; министерот им даде можност да делат бонбони, односно без никаква професионална програма! Некогаш немаше веќе бонбони. Изненадувачки, и „амбасадите“ одобрија или не имиња за министри!“, пишува авторот Шќиприм Пула, во колумната „Држава на „амбасади“!, објавена во Економиа Онлајн.

Д. Тахири 

Извор: Цивил Медиа

Бил Клинтон Еди Рама Избор албански медиуми
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.