Непосредно по завршувањето на гласањето на студентските избори, гласачката кутија од Правниот факултет „Јустинијан Први“ беше насилно однесена со лица за кои Студентскиот пленум обвинува дека немаат никаква поврзаност со УКИМ, по што настанаа турканици.

Професорот Гордан Калајџиев претходно ги повика присутните во холот на Правниот факултет да се легитимираат и оние кои не се студенти да го напуштат факултет.

*(ВИДЕО) Студентски избори без легитимитет

На тоа никој од присутните кои ја штитеа комисијата пред која се гласаше не реагираше, и веднаш по 16 часот направија обрач и низ бифето на факултетот од задната страна излегоа со кутијата.

Тензичната атмосфера се наговестуваше уште многу порано во денот кога во кампусот на УКИМ дојде поголема група на луѓе по што дојде до вербални расправии.

Студенсткиот пленум регира дека изборите се нелигитимни, без параван кој ќе обезбеди тајност во гласањето, а кутиите се одвантре обложени за потоа насилно да се наполнат.

Студенсткиот правобранител пак, Васка Бојаџи ги осуди, како што таа рече, обидите да се спречи гласањето, тврдејќи дека изборите се регуларни.