Во галеријата на Културно-информативниот центар на Република Северна Македонија во Софија, вечер во 18:30 часот, ќе биде отворена изложбата „Уметноста како трансформирана реалност“, составена од графички дела на Берат Беќири, Астрит Реџепи и Улбер Даути. Младите автори од Тетово, воспитаници на тетовскиот Факултет за уметности, прв пат се претставуваат пред софиската публика и во КИЦ на РСМ.

Според Јелдз Асани, историчар на уметноста, преку експлозивната моќ на интерпретацијата на теми од фолклорот, етнолошките елементи, тројцата млади автори ги прават првите чекори на професионалниот пат каде што започнуваат делата за докажување на стремежите и наменетите уметнички пораки.

„Берат Беќири, Астрит Реџепи и Илбер Даути, иако сè уште на почетокот на својата уметничка кариера, ѝ се предале на уметничката инспирација со традиционалните нијанси на стилови и начини на лекување во рамките на флексибилен графички метод. Делата изгледаат едноставно по изглед, но ако навлеземе подлабоко се гледа дека се префинети и елегантно обработени на декоративна и дводимензионална позадина и понекогаш се појавуваат со изразени експресионистички нијанси со градации“, вели Асани.

Берат Беќири е роден 1992 година. Дипломирал на Тетовскиот Универзитет, на Факултетот за уметности, насока – „Графика“, во класата на Хајруш Исени, во 2017 година. Магистрирал во класата на проф. Нафи Јашари, насока „Графика“, во 2021 година. Астрит Реџепи е роден 1991 во Тетово. Дипломирал на Тетовскиот Универзитет, на Факултетот за уметности, насока – „Графика“, во класата на проф. Нафи Јашари.  И Улбер Даути, роден 1989 во Тетово. дипломирал на Тетовскиот Универзитет, на Факултетот за уметности, насока – „Графика“, во класата на Хајруш Исени. Тројцата уметници досега имале самостојни изложби во Тетово и Истанбул, а учествувале на повеќе групни изложби во Тетово, Тирана, Приштина, Струга, Скопје, Куманово.