Израелската војска (ИДФ) објави фотографии и видеа на кои се гледа дека американските борбени авиони Ф-35, Ф-15 и Ф-16 биле користени во напади врз ирански цели, вклучувајќи нуклеарни објекти, воени бази и командни структури.
Според соопштението на израелското Министерство за одбрана, во операцијата учествувале околу 200 борбени авиони, користејќи вкупно 330 ракети, објави Си-ен-ен.
Ова претставува речиси 60 проценти од борбената флота на Израел, според годишниот извештај „Воена рамнотежа 2025“, објавен од Меѓународниот институт за стратешки студии (IISS).
Соединетите Американски Држави се главен снабдувач на оружје за Израел со децении, истакнува Си-ен-ен.