Парламентарното собрание на Советот на Европа на зимската сесија што започнува денеска во Стразбур, ќе го разгледа Извештајот за парламентарните избори во Македонија, што ги набљудуваше и негова делегација.
Покрај извештајот за спроведените избори, на дневен ред е и дебата за нападите врз новинарите и слободата на медиумите во Европа, за предизвиците и одговорностите на он-лајн медиумите и новинарството, како и потребата да се стави крај на сајбердискриминацијата и говорот на омраза на Интернет.
Меѓу барањата за итни дебати на пленарната сесија се и онаа за функционирањето на демократските институции во Турција и за реформа на неефикасните европски политики за миграција, интеграција, безбедност и контрола на границата. На дневер ред е и ситуацијата во Сирија и нејзиното влијание врз соседните земји.