Извршниот директор на Англиската фудбалска асоцијација (ФА), Мартин Глен го поддржа францускиот дологодишен стратег Арсен Венгер да застане на чело на фудбалската репрезентација на Англија.
Англиското фудбалско тело бара нов тренер на репрезентацијата, откако по само еден меч оставка поднесе Сем Алардајс, кој беше вмешан во скандал за потпомогање на заобиколување на правилата за сопственичките права врз фудбалерите.
И покрај тоа што легендата на Мидлзборо, Герет Саутгејт е ставен на чело на репрезентацијата, ФА бара покредибилни име кое ќе седне на и онака жешкото столче.
Тренерското место на репрезентацијата на Англија е меѓу најмедиумски експонираните во светот на фудбалот.
Според Глен, Венгер е во соодветните години кога треба да си дозволи да ја води Англија и покрај тоа што е Французин.
– Секако дека тој перфектно ги исполнува критериумите…просекот на успешните тренери е некаде околу 60 години, вели Глен за Венгер, кој пак прославува 20 години како менаџер на Арсенал.
Шегувајќи се на оваа тема Венгер неодамна изјави дека ја знаел напамет „God save the Queen“, но дека Англичанец требало да ја води Англија.
– Ако јас ја водам Англија а играме против Франција? Не можам да ја пеам француската химна а да не ја пеам англиската, чудно е, вели Арсен Венгер.