Роџер Федерер засекогаш обезбеди место во срцата на Шкотланѓани. Швајцарецот настапи во хуманитарен меч во Глазгов против Енди Мареј пришто еден гем одигра во килт што наиде на воодушевање од гледачите.
Традиционалната шкотска народна носија за мажи Федерер ја доби од една госпоѓа од трибините. Притоа немаше избор и без многу убедување ја стави на себе за исполнување на ветувањето од претходно дека би облекол килт доколку го има. Симпатии е благ збор за опишување на реакцијата на присутните во салата. Неговиот гест беше поздравен со гласен аплауз, со свиркања, со овации.
Со килт на себе Федерер се соочи со проблем во гемот на сопствен сервис бидејќи немаше каде да ги стави резервните топчиња. Но, сепак, се снајде, приреди одлична забава за гледачите и покажа дека не е така „здрвен“ и дека знае да биде опуштен и да се пошегува на своја сметка. Одигра добар гем, килтот не му пречеше за слободно движење низ теренот, за лесно трчање и излегување на мрежа по што ѝ се заблагодари на госпоѓата и го врати килтот.
https://www.youtube.com/watch?v=v68cjA2SftA
Во опуштената атмосфера во Глазгов со свои „пет минути“ и Енди Мареј кој последниот гем го одигра со традиционална шкотска капа и перика.