Коалицирање со политички партии нема, ќе коалицираме со вредности и со принципи за решенија базирани на квалитетни анализи и ако видиме издржани проекти. Но нема да правиме политички и партиски коалиции! – ни изјави Белчева.
Јана Белчева Андреевска нема да коалицира со ВМРО-ДПМНЕ во Советот на Општината Центар. Вака одговори Белчева на нашето прашање, а по повиците од опозициската партија за коалициска соработка во Советот на Општината Центар.
Во изјава за НоваТВ, таа рече дека единствено може да прифати да коалицира врз база на добро издржани проекти.
– Коалицирање со политички партии нема, ќе коалицираме со вредности и со принципи за решенија базирани на квалитетни анализи и ако видиме издржани проекти. Но нема да правиме политички и партиски коалиции! Советот треба да е место за конструктивна дебата и обединување околу најдобрите решенија, а тежиштето мора да се врати таму каде се носат одлуките – во Советитe, а не во концентрација на моќта во еден човек – ни изјави Белчева.
Таа очекува поконструктивна дебата во новиот Совет .
Инаку, Белчева Андреевска ја предводи листата на независната граѓанска иницијатива „Шанса за Центар“ на локалните избори.