На агендата на словенечкото претседателство со Европската Унија во наредните шест месеци приоритет ќе се стави на проширувањето и соработката со Западен Балкан. Ова денеска во Европскиот парламент го вети словенечкиот премиер Јанес Јанша. Релната европска преспектива за граѓаните од Западен Балкан ќе биде потврдена на самитот на ЕУ во октомври кој ќе се одржи во Словенија, најавува Јанша.
– Наша цел е да ја потврдиме, разбудиме и охрабриме европската перспектива за земјите од Западен Балкан. Ова ветување го дадовме на самтитот во Солун во 2003 година, ако успееме да го направиме тоа ќе покажеме дека сме стратешки актери, во спротивно, ако не направиме чекор напред за Западен Балкан тогаш тие чекори ќе ги направи некој друг, изјави премиерот на Словенија, Јанез Јанша.
Словенечкиот премиер ги повика и останатите земји – членики да се фокусираат на ова прашање. Спoред Јанша, проширувањето е најкорисната алатка на Европкста Унија за стабилизација. Тој забележа што во изминатите 15 години дека ЕУ се намалила, наместо да се прошири.
– ЕУ прави големи чекори напред кога се фокусира. Ако проширувањето биде шеста тема на дневниот ред, никогаш нема да стигнеме до темата. Ако ова прашање го ставиме повисоко на агендата, тогаш ќе можеме да направиме конкретни чекори напред. Албанија и Северна Македонија може да направат напредок на следниот самит во октомври ако сите се концентрираме на тоа. Европската Комисија помага, но на крајот, станува збор за политичка одлука“, рече Јанша.
Претседателката на Европската комисија, Урсула Фон Дер Лајен, побара ЕУ да го исполни ветеното, а земјите кандидатки преземените обврски во делот на реформите кои треба да ги спроведат.
– Целта е да ги започнеме Меѓувладините конференции со Албанија и Северна Македонија, тоа се многу конкретни чекови, а ние како Комисија поднесовме инвестициски план од 9 милијарди евра за поддршка на Западниот Балкан да го развие регионалниот пазар, што е подготовка за приклучување кон заедничкиот ЕУ пазар. Никогаш на треба да се предадеме, треба да тежнееме кон помиримување и реобединување на ова европско семејство. Има многу работа, но затоа сме тука“, изјави претседателката на Евр0пската Комисија, Урсула Фон Дер Лајен.
Со бугарското вето, Северна Макеоднија од минатата година е блокирана за да ги отпочне преговорите со Европската Унија. Мора да има докажани активности од страна на Скопје за желба за билатерално решавање на проблемите кои ја спречуваат Софија да даде зелено светло за почеток на преговорите со ЕУ, е пораката која последно ја испрати Бугарија.