„Го охрабрувам работникот да се избори за својата егзистенција. Ги повикувам народните избраници од сите политички партии, да дојдат денеска, да ја дадат поддршката. Ако и ова не се случи, штрајкот кој во моментов се одвива, им е Дамоклов меч на сите јавни функционери и политичари“, порача Димовски.

На првиот ден од генералниот штрајк во јавниот сектор, 120 празни столчиња осамнаа пред Собранието, а ССМ побара поддршка од пратениците да го усвојат амандманот за линеарно зголемување на платите. 

– Цела Македонија штрајкува во јавниот сектор,  а ССМ бара поддршка од народните пратеници за поднесениот амандман за зголемување на платите од 2.800 денари веднаш и сега. Тие пари ни се неопходни поради се што се случува, двоцифрена инфлација, ценовни шокови, најава на енергетска криза, покачување на струјата од 10 отсто. Ги повикувам  народните избраници да дојдат и да ја дадат поддршката на работникот. А наше право е од сите народни избраници, кои нема да го поддржат, да побараме оставка, истакна денеска претседателот на ССМ, Дарко Димовски.

„Го охрабрувам работникот да се избори за својата егзистенција. Ги повикувам народните избраници од сите политички партии, да дојдат денеска, да ја дадат поддршката. Ако и ова не се случи, штрајкот кој во моментов се одвива, им е Дамоклов меч на сите јавни функционери и политичари“, порача Димовски.

Штрајкувачите утре од пред Влада ќе ги потсетат министрите за кое законско решение треба да се изјаснат. (Љ.Б.)