ЈО и МВР извршија увид на местото на сообраќајната несреќа во која загинаа три лица, а осум се повредени

Извршен е увид на местото на сообраќајната несреќа што синоќа се случи на патот Кичево – Гостивар во која загинаа три лица, а осум беа повредени.

Државното јавно обвинителство утринава соопшти дека од местото на несреќата подигнати се траги кои ќе бидат предмет на вештачење, а телата на починатите се дадени на обдукција и дадена е наредба за испитување на евентуално присуство на алхокол или други супстанции кај повредените.

По насоки на јавниот обвинител продолжуваат да се преземаат и други дејствија, информираат од Јавното обвинителство.

Сообраќајната несреќа се случи меѓу Кичево и селото Трапчин Дол и во неа учествувале три возила.