Јовановиќ: Р.Србија и РСМакедонија наскоро со меѓувладина комисија за малцинства
Српската амбасадорка во земјава, Невена Јовановиќ во воопшто првото интервју по стапувањето на должноста која го даде за НоваТВ информира дека двете земји се согласиле и дека очекува наскоро да се формира меѓувладина комисија за малцинства, која ќе служи како дополнителна платформа за решавање на важни прашања во врска со положбата и правата на српската заедница во Северна Македонија и на македонската заедница во Република Србија.
– За разлика од некои претходни периоди во кои не било на вистински начин третирано прашањето за положбата на Србите во регионот и на Србите во дијаспората од страна на матичната држава , денеска сведочиме на еден поинаков пристап.Република Србија силно е заинтересирана за зачувување и за јакнење на односите на матичната држава и на дијаспората и на матичната држава со Србите во регионот.Србите кои живеат во Северна Македонија , како и Македонците кои живеат во Република Србија се дополнителен мост кој секојдневно нè спојува“, изјави Јовановиќ во интервјуто за НоваТВ.
Во врска со можноста за вакцинирање на наши граѓани во Србија и за помошта со вакцини и при гаснењето на пожарите, амбасадорката Јовановиќ вели:
– Бевме во можност да и помогнеме на братска Северна Македонија и тоа го направивме, без двоумење. Покрај тоа, Србија не само што е добар сосед , туку е и братска држава на која Северна Македонија и нејзините граѓани можат да сметаат“ заклучува амбасадорката Невена Јовановиќ
