„Југохром“ ги изгаси своите печки и 800 работници остануваат без работа. Одлуката ја донел Државниот инспекторат за животна средина.

За да може “Југохром” да работи и на сите свои вработени да им овозможи приходи, комбинатот мора да постави филтри кои треба да го намалат загадувањето на воздухот. Засега не е познато колку време овие работници ќе бидат без работа и колку време ќе треба да поставување на филтрите.

Генералниот директор на „Југохром“ Васко Скендеровски објасни дека побарале продолжување на рокот за поставување на системот за отпрашување, бидејќи од рокот што го добиле на 31-ви октомври 2014 околу 20 месеци чекале за добивање на дозволата за градба што се случило на први јули годинава.

Тие чекале одговор од владата за продолжување на рокот но одговорот не стасал и решиле да го сопрат работењето на печките на “Југохром”.

Поставувањето на систем за отпрашување е неопходна за да се намали загадувањето со сопирање на топењето на феросилициум во печките.

Освен загадувањето проблем е и судбината на 800 работници на „Југохром“ кои остануваат практично без приходи. Се очекува владата брзо да реши дали ќе го пролонгира рокот за поставување на филтрите.

Според Законот за Заштита на животната средина „Југохром“ мора да поседува „А“ еколошка дозвола за работање што значи поставување филтри за прочистување на воздухот од отпадните материи.

Се очекува до средината на следната година овој систем да биде поставен. Скендеровски најави дека во следните денови ќе одржат состанок заедно со сопственикот по што ќе се реши како ќе продолжат натаму и што ќе биде со работниците што во моментот се вработени во „Југохром“.