„Нашите политички активности и калкулации не треба да ги ставаме пред интересите на граѓаните, а опозицијата токму тоа го прави. За граѓаните да бидат поупатени, организирањето на една пленарна седница во Собранието чини околу 55 илјади евра, пари на граѓаните“, рече пратеникот од СДСМ, Дарко Каевски во „Утрински печат“.
Тој додаде дека опозицијата со неодговорното одлговлекување и зборување за се и сешто, освен за тоа што треба се однесува неодоговрно и кон Собранието и кон граѓаните.
„Опозицијата се обидува да ја закочи постапката и работата на Собранието. Причина за тоа е што на крајот на минатата година, нивниот лидер имаше изјави дека во февруари ќе има ново мнозинство и дека ќе се распушти Собранието, а не само што нема ново мнозинство, туку и постоечкото владино мнозинство расте“, рече Каевски.
Пратеникот од СДСМ рече и дека „доаѓа крајот на лагите на Мицкоски и ВМРО-ДПМНЕ и поради тоа одлговлекуваат“.
„Денес се очекува да се гласа за разрешувањето на министрите, а од утре ќе започне дискусијата за именување на новите министри. До крајот на следната недела ќе го завршиме процесот“ рече Каевски.