Фидел Кастро дојде на власт во 1959 година поразувајќи го режимот на Батиста и трансформирајќи ја Куба во комунистичка држава каде што тоој владеење пет декади. Неговата смрт се пренесе преку кубанската државна телевизија во петокот ноќта. Преживеа бројни атентати од страна на ЦИА и други непријатели, се одржа на политичкиот трон во Куба повеќе од половина век, а вчера беше победен од староста и болеста – умре на 90 години.
Еве некои од неговите најпознати изреки:
Ја почнав револуцијата со 82 луѓе. Ако треба да го направам тоа пак, ќе го направам со 10 или 15 и со апсолутна верба. Не е важно колку сте мал ако имате верба и план за акција, – за револуцијата во 1959 година.
Не размислувам да ја исечам брадата затоа што сум навикнат за неа, затоа што таа значи многу нешта за мојата земја. Кога ќе го исполниме ветувањето за добро владеење тогаш ќе ја исечам“, во интервју за американската телевизија СБС во 1959 година или 30 дена по револуцијата.
Револуцијата не е кревет од рози. Револуцијата е борба помеѓу иднината и минатото, Кастро во 1959.
Неодамна дојдов до заклучок дека една од последните жртви кои морам да ги напраам за кубанското јавно здравство е да престанам да пушам. И не ми недостига толку многу, Кастро во декември 1985 откако прогласи дека престанал да пуши цигари.
Никогаш не сум видел противречност помеѓу идеите што ме одржуваат и идеите на тој симбол, на таа исклучителна фигура (Исус Христос), Кастро во 1985.
Мора да се држиме до фактите, и едноставно да срочиме дека социјалистичкиот камп колабираше, Кастро во 1991 по падот на Железната завеса.
Една од најголемите придобивки на револуцијата е тоа што овде дури и нашите проститутки имаат факултетски дипломи, Кастроо во интервју со Оливер Стоун, во 2003 за документарецот „Команданте“
Сфатив дека мојата вистинска судбина е војната која ќе ја имав со САД, Кастро во 2004, воведна изјава во вториот дел од документарецот на Стоун.
Еве еден заклучоок до којшто дојдов по многу годинни: помеѓу сите грешки кои ги направивме, најголемата меѓу нив е дека ние верувавме….верувавме дека некој знае како се прави социјализам…Кога и да речеше некој „Тоа е формулата“, ние верувавме како да е лекар, Кастро во 2005.
Навистина сум среќен што доживеав 80 години. Никогаш не го очекував тоа, особено не со комшија кој е најголемата светска сила и секој ден се обидува да ме убие, Кастро на 21 јули, 2006 година на самитот на латински лидери во Аргентина.
Ние не сме развиена капиталистичка држава чии лидери се полудени во потрага по решенија среде депресија, отсуство на пазари и невработеност. Ние сме и мора да бидеме социјалисти, Кастро во една од неговите колумни „Одблесоци“ во 2008 година.