Камчев, Јаканиески и Канчевска Милевска денеска во СЈО

По бизнисменот Јордан Камчев кој денеска утрово (понеделник) се појави во Специјалното јавно обвинителство во својство на сведок во предистражна постапка, се очекува на разговор да пристигнат и поранешниот министер Миле Јанакиески и актуелната министерка за култура Елизабета Канчевска Милевска.

Против Јанакиески СЈО води повеќе случаи поврзани со кривични дела во врска со изборите, рушењето на „Космос“ на Фијат Цановски, а неговото име се слушна и во бомбите поврзани со провизиите во случајот „Кинески кредити“. Не е познато за што точно е повикана Канчевска Милевска, но познато е дека СЈО води и случаи врзани со набавките од проектот Скопје 2014.