Градоначалникот на општина Тетово и лидер на Движење Беса, Биљал Касами во дебатниот магазин „Click Plus“ на ТВ21 запрашан формирањето на идна Влада, за тоа кој од македонските политички партии е поблизок или по реален за Касами, тој рече дека не е битно кој ќе биде на другата страна.

„Тоа се докажа и со нашата коалиција со СДСМ од која излеговме кога видовме дека нашите барања не се исполнуваат, ние сме единствените кои од позиција на власт гласавме за рушење на истата. Ние имаме свои принципи и барања, одговорности и ветувања спрема албанскиот народ, и ние полагаме одговорност кон Албанците, која од партиите од македонска страна ќе биде на другата страна не е битно, се додека се исполнуваат нашите цели“, рече Касами.

Пред две недели, пак, во интервју за „Радио Слободна Европа“ (РСЕ), тој рече дека како опозициска партија нема да бараат предвремени парламентарни избори, како што инсистира ВМРО-ДПМНЕ.

„Ние нема да навлегуваме со барање за избори па да создаваме дополнителни проблеми за државата и граѓаните. Но истовремено наше барање до меѓународните партнери е дека мора да имаме дополнителни механизми за контрола на владата. Ако договориме дека во ситуацијата во која е Балканот поради војната во Украина не е време да се организираат предвремени тогаш мора да се договориме да се создадат тие дополнителни механизми за да се заштитиме од корупција од високо ниво. Бидејќи веќе имаме перманентни примери како високи владини функционери запаѓаат во криминал и корупција“,