Aко Русија престане да испорачува гас на Германија – тоа ќе биде катастрофа..
Последиците од прекинот на испораките на руски гас во Германија во моментов би биле катастрофални за германската економија, изјави директорот на Германскиот индустриски сојуз (БДИ), Зигфрид Русвурм во интервју за „Билд ам Зонтаг“.
„Последиците од прекинот на испораката на руски гас во овој момент би биле катастрофални. Мора да имаме предвид дека во отсуство на такви количества, гас повеќе немаше да се доставува до краевите на нашиот гасоводен систем“, истакна Русвурм.
Цените на природниот гас денеска пораснаа откако руската државна компанија Гаспром објави дека повеќе нема да го испраќа тоа гориво во Европа преку гасоводот во Полска поради санкциите наметнати од Москва кон европските енергетски компании.
Овонеделните енергетски тензии меѓу Русија и Западот дополнително ги раздвижија нестабилните енергетски пазари, а цената на природниот гас денеска достигна 104 евра за мегават-час, додека пред неколку дена беше 94 евра.