Наскоро се очекува пополнување на осум испразнети амбасадорски места во Мисијата на Европопската унија во Брисел, во Париз, Лондон, Подгорица, Берн, Варшава, Осло и Букурешт. Како што брифираат од МНР, тие ќе се пополнуваат во соработка меѓу Министерството за надворешни работи и претседателот Ѓорге Иванов.
Предлозите треба да минат на владина седница, а диломатски извори најавија и втора рунда преговори за нови именувања за пополнување на сите 20 испразнети позиции во вкупно 57 ДКП.
Во тек се обиди за професионализација и деполитизација на дипломатско-конзуларниот кадар, со оглед на тоа дека голем број од амбасадорите во моментов се политички назначени, а политизацијата, како што посочија дипломатските извори, е карактеристична и на ниво на целото Министерство.
Веќе три до четири години нема редовна оценка на дипломатијата, иако тоа е законска обврска.
Изминатиот период, како што оценуваат дипломатски извори се отворале амбасади, без да се прави реална проценка за приоритетноста, односно дали се исполнети политичките, економските, козуларните и реципрочните критериуми. Како примери се посочуваат амбасадите во Бразил, Катар, Казахстан.