На воен полигон во областа Хмелницки во западна Украина дошло до детонација на муниција која траела со часови. Тројца припадници на украинските Сили за специјални операции се повредени, а по уште петмина се трага.
Инцидентот се случил вчера, а украинските Сили за специјални операции соопштија дека на терен се тимови за пребарување.
Тимовите за потрага во моментов го пребаруваат местото на настанот, соопштија Силите за специјални операции на социјалните мрежи.
Според информациите, инцидентот започнал околу 11:55 часот по локално време, а муницијата продолжила да детонира сè до 19 часот.
Причината и околностите под кои дошло до експлозијата засега не се познати.
Украинското Државно истражно биро отвори кривична постапка поради можно прекршување на правилата за ракување со оружје, муниција, експлозив и други опасни материјали.
Градоначалникот на Хмелницки, Олександр Симчишин, соопшти дека засега нема потврдени информации за загинати.
Во експлозијата биле оштетени повеќе станбени и јавни згради, а од безбедносни причини дел од линиите на јавниот превоз биле привремено пренасочени.
Тој додаде дека полицијата ги предупредила жителите во зоната каде што би можеле да паѓаат делови од експлодираната муниција, а областа околу местото на настанот била оградена.
Експлозијата се случи помалку од еден месец по уште една голема детонација на муниција во Украина.
На 6. јули, руски напад погоди складиште во Вишневе, град на западниот раб на Кијив, предизвикувајќи низа секундарни експлозии. Во тој инцидент загинаа седум лица, а 29 беа повредени.