Засилениот кордон полиција не и дозволува на групата демонстранти да пристапи кон Собранието на Република Македонија.
Тие се спречени од полициски кордон заштитен со метални барикади и хермалинки со водени топови во близина на Триумфалната порта. Демонстрантите револтирано им довикуваат на полицајците „Знаете ли кого штитите“ и „Зошто не смееме да поминеме“.
Протестот почна пред Специјалното јавно обвинителство во знак на поддршка за работата на институцијата која беше формирана да ги расчисти сомнежите за прекршување на законот кои произлегоа од нелегално прислушуваните разговори и требаше да претставуваат дел од разрешницата на силната политичка криза која потекна од отсуството на имплементација на реформите во сферата на владеењто на правото.
Довербата во овие процеси дополнително и остро се разниша по одлуката на претседателот Ѓорѓе Иванов да помилува колективно вмешаните во скандалите со прислушувањето на начин кој ја разгневи домашната и меѓународната јавност.